Wesmar hefur framleitt sónartæki í yfir 30 ár. Sónartækin frá þeim hafa reynst sérstaklega vel í snurvoðarbátum hér við land og skilað notendum miklum ávinningi. Nýlega setti Wesmar á markað nýja gerð slíks tækis  sem er mjög fyrirferðarlítið og á mjög hagstæðu verði sem gerir fleirum en áður kleift að nýta sér þá möguleika sem sónartæki bjóða upp á umfram hefðbundna dýptarmæla.

Wesmar framleiðir einnig höfuðlínusónartæki, og hefur náð umtalsverðri markaðshlutdeild á þeim 12 árum sem þeir hafa verið með í þeirri samkeppni. Stór hluti íslenska fjölveiðiskipaflotans er búinn þessum höfuðlínusónar og hefur hann reynst vel og komið með fjölda nýjunga inn í þessa tegund tækja.

Wesmar HD825 sónartæki

Nýr sónar sem er sérhannaður fyrir fiskveiðar með sérstaka áherslu á einfalda notkun.

Lyklaborð með tökkum fyrir allar aðgerðir sem skipta mestu máli þannig að hægt sé að hafa hugann við veiðarnar en ekki flettingar í valmyndum.

Eiginleikar:

• Mjög einfalt stjórnborð með öllum helsu aðgerðum
• Stafæn vinnsla á myndmerki til þess að lágmarka truflana áhrif
• Mjög þröngur sendigeisli sem minnkar yfirborðstruflanir
• True Gravity veltuleiðrétting
• Mjög fyrirferðarlítill hífibúnaður fyrir minni báta
• Skjáuppsetningar fyrir allar helstu fiskveiðar

Wesmar TCS785/385 Höfuðlínusónarkerfi

Ný útgáfa af hinu vinsæla höfuðlínusónarkerfi frá Wesmar (áður TCS 770 og 780).

Fáanlegur með tveimur mismunandi höfuðlínustykkjum, 785 sem er eins og eldri stykkin og er með framgeisla, trollskönnun og niðurgeisla og 385 sem er án framgeislans og einungis 12 kíló á þyngd.

Wesmar TCS785 höfuðlínusendir 180 kHz

Wesmar TCS385 höfuðlínusendir 180 kHz

ENL er framleiðandi WASSP þrívíddardýptarmælisins sem er mesta bylting í dýptarmælatækni sem komið hefur fram í fjölda ára. WASSP mælirinn hefur þann eiginleika að geta séð miklu stærra svæði undir bátnum en aðrir mælar auk þess að geta kortlagt botninn bæði í tvívídd og þrívídd auk þess að staðsetja fisk og kortleggja botnhörku.

WASSP F3i Fjölgeisladýptarmælir

Byltingarkenndur dýptarmælir sem sendir 120 gráðu leitargeira sem byggður er upp af 112 geislum þvert á bátinn. Hann getur sýnt fisk talsvert til hliðar við bátinn og hefur innbyggða hörkugreiningu.  Upplýsingunum sem þetta gefur safnar hann í gagnagrunn og getur byggt upp nákvæma þríviddarmynd af botninum og teiknað upp botnhörkukort á broti þess tíma sem það tekur hefðbundinn dýptarmæli að safna þessum gögnum. 

Seatel er brautryðjandi í veltuleiðréttum gerfihnattamóttökudiskum fyrir skip. Þeir eru enn í fararbroddi og eru nær einráðir á íslenskum markaði fyrir þessa tegund búnaðar. Sónar hefur verið umboðsaðili fyrir Seatel síðan sumarið 2008.

Sea Tel 100 TV sjónvarpskúla 

Sea Tel 100 TV kúlan hefur 101 cm. disk inni í kúlu sem er 136 cm. í þvermál. Kúlan er sérhönnuð til að lágmarka deyfingu sjónvarpsmerkis og hámarka móttökunæmni kerfisins.

Sea Tel 100 TV er miðstærðin af SeaTel sjónvarpskúlunum og hentar vel flestum skipum við Ísland, en einnig eru til 80 og 120 cm. útgáfur af þessari vönduðu kúlu.

Þessi nýja kynslóð af Sea Tel sjónvarpskúlum nýta háþróaða tækni sem gera þeim kleift að taka á móti sjónvarpsmerki hvar sem er í heiminum á þess að þurfa að skipta um móttökunemann eins og þarf í öðrum gerðum.

Auðvelt er að skipta eldri Seatel kerfum út fyrir þau nýrri þar sem allar festingar passa beint á milli kynslóða.